Mizo Elite News hi ṭha i tihzawng a nih chuan min lo Follow dawn nia

Muslim Leh Hindu Hmeichhia Te Chuan An Pasal Te Ve Ve Nunna Chhan Nan An Kal (Kidney) An Hlan

India ram hi chi leh sakhua ah innghirnghona leh inngeih lohna hriattur a tam hle. Hnam hnuaihnung ngat te phei chu tawh leh deh thiang lo hial khawp an awm bawk. Hetiang kara Muslim leh Hindu hmeichhia te chanchin hriat hi a ngaihnawm hle.

Dehradun a mi Sushma Uniyal leh Sultana Ali te hi sakhuana lam ah sakhaw hran ve ve vuan tu an ni a, an sakhaw vawn ah pawh Hindu leh Muslim kulmuk an ni. Mahsela an pasal te ve ve nunna an chhanna tur in an in mamawh tawn tlat si.

An pasal te hi kal (kidney) thlak ngai ve ve an ni a, amaherawh chu an pasal te tan kidney donor ni turin an blood group a in mil lo tlat. Mak tak maiin Vikas nupui Sushma chuan Ashraf chu a mil a, chutiang in Ashraf nupui Sultana chuan Vikas hi a mil thung a ni.

Inrem taka an inbiak fel hnu chuan an sakhaw lam thil chungchang a an inhuatna chu dah tha in an pasal te ve ve tan an inpum pek a, Kidney transplant hi tluang taka neih theih a nih thu an sawi.

“An nupui te ve ve hian an pasal tan hian an kal (kidney) pek an tum a, mahse an blood group a in mil thei lo a ni. A hnu ah chuan Vikas Uniyal nupui Sushma blood group chuan Ashraf Ali chu a in mil a, Ali nupui Sultana blood group chuan Uniyal a mil thung” tiin Dehradun Himalayan Hospital a senior nephrologist, Dr Shahbaz Ahmed chuan TOI te a hrilh.

Hetiang a taksa peng organs inthleng leh donate hi dan khalh a ni lo a, India’s Transplantation of Human Organs Act 2011 hnuai ah tih theih a ni.