Mizo Elite News hi ṭha i tihzawng a nih chuan min lo Follow dawn nia

Mumbai Khawpui A Luh Laiin BMC Ten Kangana Mumbai Office Tihchhiat Hna An Lo Ṭan Der

Bollywood ah inchirhthehna nasa tak a thleng mek a. A buai hnawk nasa tawh khawp mai. Kangana Ranaut chu Shiv Sena leh Maharashtra government te nen an inchuk rawn hnu ah vawiin khan Mumbai leilung a rap.

Mumbai leilung a rap chu Mumbai khawpui a nghin in a nghing a ni ber mai. Protesters leh supporters te Airport ah pungkhawm in an inpawlh nuk hlawm a. Kangana hi Y-Plus Security pek a lo nih tawh angin venhimna pawh an uluk hle.

Mumbai lamtluang a zawh mek laiin Mumbai’s Pali Hills a a office/bangla chu Brihanmumbai Municipal Corporation (BMC) ten JCB hmang te in tihchhiat hna an lo ṭan nghal der bawk.

BMC te chuan dan lo ang illegal construction tiin an puh. Kangana Ranaut chuan a office chhung lam tihchhiatna thlalak te chu a Twitter ah a rawn post.

Mumbai chu POK tiin a ko nawn leh ngat a, “death of democracy” a ti bawk. A thil tih ah engmah tih diklo a nei loh thu a sawi bakah heng te hian a rilru put hmang leh a tum a sawh sawn eih lo a ti.

Kangana Ranaut lawyer hian Bombay High Court a pan vat a, HC lamin BMC te chu Kangana bangla an tihchhiat hi tawp turin a hriattir tih a hnu ah tarlan a ni bawk.

Shiv Sena leader Sanjay Raut chuan Kangana hi Mumbai leilung rap lo tura hriattirin a lo vau zui tawh a, Maharashtra Politicians te huat rawn leh lawm loh em em karah Kangana hian tu pawn a thei chuan min dang mawlh rawh se tiin huaisen takin Mumbai ah a lut. Airport ah hian Sena Workers lam ten flag dum hial in an lo hmuak a ni awm e.

Boruak a ṭang chho at at khawp mai. Kangana, Shiv Sena leh Maharashtra government te inkar hi ala reh mai dawn lo a ang. Eng tin nge a inbeih chho zel ang tih chu India ram te ti ti leh media te ngaihven ber a ni chho mek.

The Tribune