Mizo Elite News hi ṭha i tihzawng a nih chuan min lo Follow dawn nia

M’sian Fashion Designer Chuan Covid19 Ral Hmatawng Te Tan Invenhimna Tur Suit A Buaipui

Hmun ṭhenkhat ah chuan Covid19 dam lo enkawl in ral hmatawng Medical lam tam tak an buai in an indaih lo hlawm hle a, chawlhna hun pawh nei thei lo in hun an hmang mek a ni.

A ṭhen te phei chu an mahni in ven himna tur thuam te an inbuatsaih chawp. Medical lam te harsatna leh buaina tawh leh an rimna chu Malaysian fashion designer, Datuk Radzuan Radziwill in alo hriat in a puih ve theih dan tur a dap kual a, an invenhimna turin Suit chu a theih angin an hman atan tiin alo siam.

Personal Protective Equipment buatsaih hian theihtawp in a bei a Charity Project hi a ṭan. Hei hian nurse leh frontliners te chu tlem a a lo chhawk zangkhai ve theih ngei a beisei a ni.

A tirah Hospital Serdang a a ṭhian doctor nen chuan an buaipui phawt a, PPE hi 50 siam in tunah chuan 200 pairs a siam tawh. 1,000 aṭang a 2,000 siam tum in theihtawp in ṭan a la.

“Fashion designers dangte tan pawh tun hi chet chhuah hun a ni a, Nurse ṭhenkhat ten hahchawlhna pawh nei hman lovin an thuam inbel tur an mahni in an inṭhui a, an chau em em a ni. Ka thiamna hmanga ka lo ṭanpui ve theina a ni” tiin a sawi.

He Project ah hian Designer leh puanṭhuitu dang te tan pawh hun a inhawng a, frontline workers te tan hian midang te chu penchhuak ngei tura a beisei thu a sawi bawk. Hei hian Hospital tam tak te tan malsawmna a thlen ngei dawn a ti bawk.

BHOnline