Mizo Elite News hi ṭha i tihzawng a nih chuan min lo Follow dawn nia

‘MS Dhoni’ Actor Sandeep Nahar Chu A Intihlum, A Nunna Lak Chhan Ah A Nupui Mawhpuh

Indian film leh TV actor Sandeep Nahar chu February 15 khan a chenna Goregaon ah thi a hmuh a ni a, amah ngei a lo intihlum a ni.

Sandeep Nahar hian a nunna a lak hma hian Facebook ah a intihhlum chhan a tarlang a, a nupui mai bakah Bollywood a politics thil te chu a mawhpuh.

Video a phochhuah erawh chu delete a ni. A nupui Kanchan leh a thiante chuan SVR Hospital an panpui a, mahsela damdawiin an thlen meuh chuan a nunna chhan theih in a awm tawh lo tih puan a nih thu Police Official in an sawi.

Sandeep Nahar hian a nupui nen hian nupa hlim tak an ni ngai lo a, an intihthiam loh thin reng vangin chu chuan a nun a ti beidawng hle a ti. A nupui mai bakah a nupui nu, a pi zawn atang zarbuai leh blackmail a tawk tih a tarlang tel nghe nghe.

“Hman atang tawh in mahni nunna lak hi ka ngaihtuah tawh. Mahsela keimah ah hun tha a in herchhuak beisei in ka nghak. A thleng thei ta chuang lo. Tunah hian kalna tur ka nei lo a, he ka thil tih turah hian a hnuah engin nge min hmuak dawn tih pawh ka hre lo” tiin ‘MS Dhoni’ actor hian a sawi a, a tun hun erawh hrehawm tak leh hremhmun ang hial in a tehkhin a ni.

Sandeep hi Bollywood film hrang hrang a inlan ve nual tawh. Akshay Kumar ‘Kesari’ ah khan a chang a, famta Sushant Singh Rajput te nen ‘MS Dhoni’ biopic ah an chang ho leh bawk. Official chuan a thih chhan hre turin postmortem report nghah mek a ni tih an sawi.