Mizo Elite News hi ṭha i tihzawng a nih chuan min lo Follow dawn nia

MP School Pakhat Ah Kareena Leh Saif Te Fa Hming Zawh Vangin Nu Leh Pa Lungawi Lovin Thubuai An Thlen

India ram chhung ah chuan an lar in mite hriat pawh an hlawh ngei mai a, amaherawh chu zirlai hial a telh atan erawh chuan a tul in a pawimawh teh chiam lo hle.

Madhya Pradesh school pakhat Academic Heights Public School of Khandwa te chuan education department atang in lehkha an dawng a,a chhan pawh exam question a zawhna awm ang lo lutuk thil an zawh vang ani.

Exam Question ah hian Bollywood actors Kareena Kapoor leh Saif Ali Khan te fapa hming chu an zirlai te an lo zawt a, Question hi Internet lama a darh hnu ah nu leh pa te chu lungawi lovin school management te lakah hian Action la turin education department hnenah an zualko.

He Question hi Class 6 current affairs paper ah telh a ni. Lo hmu tu a piang te chuan zirlai te zawhna chhan tur atan chuan pawimawh lo leh an tana hmasawnna awm lo hul hual a nih thu an sawi.

Nu leh pa te aiawh dingchhuak zinga mi Anish Jharjhare chuan heng ai chuan historical icons dang Maharani Ahilyabai Holkar leh Chhatrapati Shivaji te pawh zawt se a awm ang zawk a ti a, School hi hawng tawh lo a khar zui hial tlakah a ngai ani.

District education officer te beng a thleng a, school lam te hnenah he thil chungchang hi hriattir tawhin an chhanletna a zira an chungah action lak a nih tur thu Sanjiv Bhalerao, Khandwa district education officer chuan a sawi.

He examination paper ah vek hian North Korea’s dictator hming pawh zawh tel a ni a, hei erawh nu leh pa te atang sawibuaina engmah a awm lo thung ani.