Mizo Elite News hi ṭha i tihzawng a nih chuan min lo Follow dawn nia

Monu In An Inneihna a A Thutiam Chuan A Pasal Ni Mai Tur Leh A Fapa Biangah Mittui A Luantir

Cambridge, Minnesota a nupa tuak khat te inneihna ah mo nu in thutiamna a neih zet chuan inneih chhim a kal khawm mipui bakah a pasal tur leh a fapa te rilru a khawih a, an biangah mittui a luan phah.

Vanessa Lynch hian pasal ah Craig chu a nei a, pasal atan a thlan Craig hian a kawppui hmasa lakah fapa kum 9 mi Henry a nei ani. Vanessa Lynch chuan a pasal Craig fapa hma ah chuan a pa chauh chu a neih loh thu leh a ni pawh a fapa ang chiah a a en tur thu in inneihna a pungkhawm mipui te hma ah chuan a hrilh ani.

“Henry, i pian tirh a he khawvel eng i hmuh hmasak ber khan i kiangah ka awm lo tih ka hria. I tan a hmasa ber ka nih loh tam tak a awm. Mahse tun atang chuan ka fapa ang chiah in nu mit atang ka en che a, ka hmangaih che. I pa tan nupui tha tak ka ni ang a, i tan nu tha ber ni turin ka theihtawp ka chhuah bawk ang” tiin Vanessa hian a sawichhuak.

An fapa Henry chuan a nu tur Vanessa lam chu lungchhe tak a pan in an inkuah vawng vawng a, he thil thlenlai rilru khawih leh lawmawm tak ni bawk hi inneih chhimtu te chuan an lo cover sak ani.

Vanessa hi Minneapolis, Minnesota a nurse hnathawk ani. A fapa Henry chungchang Vanessa hian a sawi ah Henry hian a pa chauh hi a hmangaih vanga pasal ah a nei a ni ringawt lo a, an inneih khan nu mawhphurhna chelh turin fa ah a nei tel nghal a ni tih hria sela a duh thu a sawi.

A pasal tur leh a fapa hma a thu a tiam dawn khan a zam ru hle a, a chhan chu a pasal Craig fapa Henry hian engtiangin nge alo dawn sawn dawn tih a hre lawk lo a, inneih chhim tu te hma ah a ti zak mai zawk palh ang tih a hlauhthawn thu a sawi bawk a, mahsela a fapa Henry hian a rilru dik tak hria in nu dik tak anga a pawm nan he thil hi a tih ngei a ngai ati a ni.

Vanessa leh Craig te hi August 2019 ah daih an lo inhual tawh a, amaherawh chu hripui leng mek vangin an innei lawk thei lo. Kum 2021 December 11 khan an innei ve thei ta chauh.

Inneihna hmuna a pasal leh a fapa te hma a a thutiam kha a bridesmaids leh Craig nu te chauhin an hriatpui bawk. Vanessa chuan thisen a inzawmna an neih loh vang ngawtin chhungkua an nihna a dal phah tur a nilo tih chu a pawmdan a ni a, pasal a neihni pawh in a pa dik tak leh a pahrawn ten kailut turin a ti nghe nghe.