Mizo Elite News hi ṭha i tihzawng a nih chuan min lo Follow dawn nia

Monu Chu A Pasal Tur Nen An Inneih Hmain Mo Kawr Inbel Chungin Exam A Hmachhawn

Exam ve midangte mit pawh amah ah a fu thup hlawm a, Exam hall chhungah en a hlawh ang reng hle. Mahsela zirna a ngaih pawimawhna a lantir hrim hrim hi a fakawm.

Gujarat’s Rajkot a mi pasal nei mai tawh tur Shivangi Bagthariya chu a mo thuam famkim leh tlereuh zawng zawng inbelchungin Shanti Niketan College ah exam hmachhawn turin a thu a, BSW (Bachelor of social work) ah degree nei turin 5th semester exam a nei a ni.

Mo kawr nena exam hmachhawn meuh chu hmuh tur an awm zen zen lo bawk nen Shivangi Bagthariya exam lai hi Internet ah a darh chak cher cher hle. Hetia a lar hluai hnu ah chuan mo kawr ha chunga exam a neih chhan dik tak chu hriat a ni bawk.

Tarlan danin Shivangi Bagthariya hi Saurashtra University zirlai a ni. A pasal nen an inneih hun tur an ruahman fel vek tawh hnu ah an exam ni tur tihchhuah a ni leh thut si avangin an inneih leh exam hun chu a in su rual ta tlat mai.

A tirah chuan inneih thulh hial an ngaihtuah hman tih a pasal ni mai tur chuan a sawi a,Shivangi Bagthariya tan exam chu a pawimawh bawk si, chhung leh khat te an inrawn khawm hnu chuan inneih hun chu pawt khaw muangin exam neih hmasak zawk chu tha an titlang ta a ni.

Exam zawh a inneihna hman chhunzawm a ngaih nghal dawn vangin exam na ah hian mo kawr leh tlereuh te hi a inbel lawk sa thu an sawi. Exam a neihna ah hian a chhungte leh a pasal tur chuan an telpui nghe nghe bawk.

Hemi chungchang ah hian mitam tak ngaihdan a in ang lo hlawm hle a, thenkhat in Shivangi Bagthariya hian zirna a ngaih pawimawh vang zawk a ni tiin an fak a, thenkhat dang erawh chuan mo kawr nena exam hi tul an ti viau hran lo thung