Mizo Elite News hi ṭha i tihzawng a nih chuan min lo Follow dawn nia

Model Pakhat Chuan Cheng Nuai 15 Dawnin A Mawng A Siam That Tira A Beisei Ang Erawhin Thil A Thleng Lo

Lungawi lohna khawvel ah hian mihring hian duh chintawk lem kan nei thei lo chu a nih ber hi. Siamtu in min siam dan a lungawi lo fe fe hi an khawngaihthlak letling zawk thin hle mai.

Model pakhat a hming lem atana Kazumi Squirts tia hriat hian a taksa landan pangngai ah lungawina kim a hmu thei tlat lo a, darthlalang hma a a inthlek a inthlek hnu chuan a taksa a famkim lohna lai a hriat chu siam that tumin rilru a siam ta a ni.

Florida-based Instagram model, Kazumi Squirts hian pian nalh tak neia chhelo fahran a a lan theihna turin a mawng bawr chu a siam that tir a, Brazilian butt lift tih tirin hemi atan hian $20,000 zet sum a seng. India pawisa chuan Rs 14,85,051 lai a ni.

Brazilian butt lift procedure a zawh hnu chuan a rilru in midang te hma ah ka va chhelo zual dawn em tia a ngaihtuah rauh rauh lai chuan a beisei ang erawh in thil a thleng ta der lo.

Kazumi Squirts chuan a mawng a siam tir atang a chungah thil mak tak a thleng a, a thu (sit) hleithei tawh lo tih a sawi a ni. Pawisa tam tak a lo sen ve na Result chu a beidawnthlak khawp mai.

A mawng bakah hian Kazumi Squirts hian a taksa thenkhat pawh alo siam tha nual tawh a, liposuction leh breast implants te pawh alo nei zan tawh. A mawng a siam atang thil a tih dawn pawn din zel a ngai tih a sawi.

Surgery han tih hian taksa leh hmel tih mawi zualna nia ngaih a ni tlangpui a. Amaherawh chu Surgery tihsual avanga an landan hmasa ai a chhe deuh deuh a chhuak ta zawk pawh an awm nuk mai.