Mizo Elite News hi ṭha i tihzawng a nih chuan min lo Follow dawn nia

Mo Zawk In Covid19 A Vei Vangin PPE Suit Nen Inneihna An Hman Phah

Nupa a an insiam ni chu Covid19 vangin intihbuai tir an tum lo a, hrileng karah inneihna chu an hmang lui ta tho a ni.

Northern India ah nupa tuak khat ten inneihna dangdai tak buatsaihin PPE Suit inbel chungin an innei. December 6 khan Rajasthan state’s Baran district ah inneihna hi buatsaih a ni a, hetia PPE Suit nen mo leh mo neitu ten inneih hunserh an hman chhan pawh mo zawk hi an inneih ni ah hripui Covid19 a vei tih hmuchhuah a nih vang a ni.

Mo berin hri a vei takah chuan an ruahman leh tum angin an awm thei lo. Inneihna thulh an duh loh vangin inneihna hmun atan Covid-19 care centre ah hunserh hi an hmang ta ringawt.

He inneihna hi Internet lama a darh hnu ah a lar zui nasa hle nghe nghe. Inneihna ah hian mo leh mo neitu bakah puithiam leh inneih chhimtu an chhungte mi 3 chuan PPE Suit hi an ha vek a, inneihna hi Hindu dan anga hman a ni.

Mo hi a nu nen Covid19 an vei vang hian inneih zawh ah pawh a pasal te kiangah a lawilut nghal thei dawn lo. Centre ah Quarantine an ni leh ang a, test an neih a a negative hnu ah chauh chhuah tirin a pasal bulah a kir thei chauh dawn.