Mizo Elite News hi ṭha i tihzawng a nih chuan min lo Follow dawn nia

Mo Chu A Pasal Te In Lama A Lawilut Tur Lungchhiat Vanga Nasa Taka A Tahna Lamah A Boral Phah

Inneihna hi mihring kan nih chhunga hun pawimawh leh ropui lai ber ni mahse a hmeichhe lam tan chuan ni duhawm a nih rual rual in mahni in lum han chhuahsan chu a hrehawm ve thin hle ngei ang.

India ramah pasal nei hlim hlawl hmeichhe pakhat chu a pasal te in a a lawilut tur lungchhe lutuk tak mai a a tahna lamah a nunna hial a chan phah tih hriat a ni.

News18 in a tarlan dan chuan March 5 a Odisha a Sonepur a thleng kha a ni a, inneihna zawh hnu ah mo thar Rosy Sahu hi a pasal te in a lawilut tawh turin a thlahna hmang in bidaai ceremony an buatsaih.

Mahsela Rosy Sahu hian an chenna in chhuahsan tur hian a ngaingam thei lo. Nasa takin a tap chiam a, mita hmutu te sawidan chuan a taksa chauh rak thlengin a tap a ni an ti.

A tah nasat lutukna lam ah hian Heart Attack in a awm phah a, a chhungte leh a thian ten kaihharh tum in a hmai ah te tui in an theh chung pawn a harh thei lo.

Dunguripallu CHC emergency ah rang taka panpui a ni a, Doctor te chuan a thih thu an puang zui nghal. A thih chhan hi cardiac failure niin an puh. Rosy thihna ah hian Police lam te pawh an inrawlh a, a ruang hi post-mortem tura tih a ni.

Inneih chhimtu mikhual zinga pakhat in a sawidan chuan thla tam liam lo ah khan a Pa in a boral a, a pa thihna hian Rosy hi a thawngin a la tuar tak zet tih a sawi a ni. A pasal thar tan hian hriatthiam a har dawn mang e.