Mizo Elite News hi ṭha i tihzawng a nih chuan min lo Follow dawn nia

Mizoram Ah Covid19 Vanga Nunna Chan Awm Ta, Hri Vei Thar Mi 80 Hmuchhuak

Mizoram chhung ah hripui Coronavirus vanga nunna chan a awm ta a, vawiin October 28,2020 chhun dar 12 khan Pu Lalsangkhuma (kum 62) Dawrpui veng, Aizawl a cheng leh khawsa chu vanduaithlak takin a boral.

Pu Sangkhuma hi Covid19 enkawl lai mek a ni a, natna benvawn neisa niin October 18 aṭang khan ZMC ICU ah enkawl a ni. Sorkar SOP angin vui dan ruahman a nih tur thu DIPR Mizoram chuan a tarlang.

“Vawiin 28.10.2020 chhun Dar 12 khan vanduaithlak takin Mizoram chhungah COVID19 vanga nunna chan a awm ta. Pu Lalsangkhuma, kum 62, Dawrpui Veng a cheng a ni a. Natna benvawn neisa niin ZMC ICU ah October ni 18 atang khan enkawl a ni.Sorkar SOP angin vui dan tur ruahman a ni ang” DIPR Mizoram

Tin, nimin October 27 khan hrikai thar Positive mi 80 lai hmuhchhuah leh a ni bawk a, hri kai thar te hi ZMC RT-PCR positive: 71, TrueNAT positive : 2 leh Rapid Antigen Test positive : 7 te an ni.

Source : DIPRMizoram