Mizo Elite News hi ṭha i tihzawng a nih chuan min lo Follow dawn nia

Mizo zinga Instagram Followers ngah zual deuh deuh te

Instagram hi khawvel Social Networking Site ah chuan lar leh lun ber ti ila kan sawi sual kher awm lo ve. Instagram hi Platform tha tak mai a ni a, mizo thalai te zingah pawh Smartphone hum chin chuan khawih lo a bar kan awm vak lovang.

Instagram hi a bikin Celebrity te hian an hmang tangkai em em a, lar leh lar loh tehfung pakhat zinga chhiar tel a ni pha hial a, zuitu (followers) neih tam kawng ah in elna thianghlim an nei thin.

Zofate zinga Instagram kan lo hmelhriat ve hnu ah Mizo pawh kan tam ve tial tial tawh a, tun tum ah chuan kan zofate zinga Instagram followers nei ngah zual mi 5 te kan tarlang dawn a ni.

Tun dinhmun a mizo zinga Instagram followers nei tam ber chu tudang nilovin Modelling sawi a zat a zofate zinga hmingdai tawh lo tur Miss Mizoram 2017 crown khum tu Rody H. Vanlalhriatpuii a ni a, Rody hian 290k followers a nei mek a ni.

Pahnihna ah hian Ahmangaihi (Miss Bunny tia hriat lar) a lang a, 251k followers nei mekin Mizo Professional Footballer, Jeje Lalpekhlua chuan 248k zuitu neiin Top 3 a khar thung a ni.

Mizo Instagram followers ngah zual 5 te :-

1. Rody H. Vanlalhriatpuii – 290k

2. Miss Bunny – 251k

3. Jeje Lalpekhlua – 248k

4. Bethsy Lalrinsangi – 241k

5. Feli Fanai – 239k