Mizo Elite News hi ṭha i tihzawng a nih chuan min lo Follow dawn nia

Mizo Hmeichhe Naupang Kum 4 Mi Lek Chu India Ram News Site Hrang Hrang Ah A Lar Hle

Mizo hmeichhe naupang zaithiam zet mai Esther Hnamte hi ilo hmelhriat ve tawh ngeiin ka ring. A video thar ber a tihchhuah AR Rahman hla ‘Maa Tujhe Salaam’ a cover phei chu Mizoram mai nilo India ram ah a hit rem rem hle a, National News hrang hrang ah a chuang.

Esther-i hi India chanchinbu lian tak tak Indian Express, Times Now, Indiatimes leh Hindustan Times site thleng pawh in a chanchin hi tarlan a ni a, India mipuite pawh in mizo hmeichhe naupang kum 4 mi lek in a pianpui ṭawng pawh nilo leh a ṭawng thiam pangngai pawh in an theih loh “Vande Mataram” hneh sawh leh sang taka a han sa zet chu a hmu a piangin an lawm hle a tih theih. Comment pawh a dawng ṭha khawp mai.

Ni 4 liam ta khan Youtube ah dahchhuah a ni a, tun thlengin 197k chuang teh meuh View tu a nei thei der tawh. Mizo naupang hetiang khawpa zoram min ti hmingṭha hi tarlan loh phal chi a nilo.

Esther-i hi Lunglei a cheng leh khawsa a ni a,preschooler chiah a la ni nghe nghe bawk. Ṭawng a thiam tirh aṭang zai lam hi a tuichilh chho nghal der tawh.

A hma pawh in a video “Dilna hlawhtlintirtu Lalpa” tih a sakna chuan maktaduai 1 thlirtu a nei tling tawh a, Mizo naupanga 1 Million view nei thei hmasa ber leh awmchhun a lo ni tawh bawk.