Mizo hmeichhe zaithiam kan neih ṭhat ber zinga mi Daduhi Khiangte chuan Mizo dan ral mai tur a ui leh a vei em em chungchang a sawi chhuak.
Daduhi hian chhiatni tawh changa mizo dan, khawhar in riah pui chu ral mai tur a a phal loh leh ui thu heti hian a sawi.
“Ka pa thih khan naupang te ka la ni a, khua a thim dawn hian ka mangang thei lutuk a, mi te hi an lo leng lovang a, kan chhungkua chauh in kan awm ang tih ka hlau thin, kan unau 8 lai chu kan ni tho a kan unau upa lam 4 te pawh nupui/pasal nei tawh chung khan kan khua a har tlat thin. In hnem tur bik kan awm lo. Chuan, kan in riak te kha an fel thei em em bawk a, min thlamuan em em thin ani, ka mumang ah hian ka pa hi hmuh ka chak em em thin a, ka hmu ngai bawk si lova
Engpawh ni se, kan in riak te an lo kal tan vel hian ka thlamuang aniang ka mu nghal thin. Tunah chuan thil a danglam chho zel a, thenkhat chuan in riak te an duh lem lo, ka dem hran lo, mi hi kan in ang lova, in riak te pawh an in ang chuang lova. Tunah chuan ka hriat chin ah veng YMA ten in riak an duh leh duh loh khawhar chhung te an zawt phawt thin in ka hria, veng tih dan a in ang lo nual a, engtin zel nge mizoram ah an tih tak ka hre lo. Chuan kan in rel bawl dan te hi a dang ta hle mai a, tam takah hma kan sawn em em in ka hria, mahse khawhar in riah kha ka thlamuan pui a, ral mai tur atan hian ka ui deuh.
Chuan pakhat leh chiah, tunah chuan mizo te pawh khawvel hmun hrang hrang ah kan awm darh nasa tawh a, chhung te (nu leh pa ngawih ngawih leh unau te) an thih hian haw a an ruang thlah liam hi an duh ve thei lutuk ang a, mahse a tukah kan in phum zel sia, mitthi dah na mortuary hi (district tin ah tal)awm ve ta se, power awm loh thut chang paw’n generator te awm nghal se, ti chuan hmun hla a awm chhung hnai bik ngawih ngawih te pawh in ruang thlah liam ve ngei turin an haw thei ang a tih te ka ngaihtuah a. Ruang mortuary a a awm chhung chuan in tlaivar pui kher pawh YMA in phal lo mai se a chhan chu khawtlang tih buai lutuk pawh chhung te tan a in thlahrun awm dawn sia. Kan thlasik maupuah ve phawng ani e” tiin a sawi a ni.
Daduhi Khiangte