Mizo Elite News hi ṭha i tihzawng a nih chuan min lo Follow dawn nia

Mittui Tla Chungin A Fapa Kum 30 Chuang Zet Bo Tawh Nen An Inhmu Leh

Lung an va han tichhe tak em. Nu leh fa te chu kum 30 chuang hnu ah an inhmu ve leh thei ta a, an intawn leh na hian hnuk te pawh a ti ulh rum rum mai.

Kum 1988 khan Jia Jia tia koh Mao Yin hi kawtthler ah rukbo a ni a, hetih lai hian kum 2 chauh a upa ala ni nghe nghe.

A pa Mr Mao nen Shaanxi Province a nursery aṭang in lam an hawn na ah a ni. Mao Yin hian a tuiin hal thu sawiin a pa chuan hotel ah a fapa tan hian tui a zawhsak lawk hlan in chin hriat loh in a bo zui nghal a ni. A nu leh pa te hi an fapa bo vang hian an mangang in an rilru a hah em em a, a nu Li Jingzhi chuan a fapa hi hmun hrang hrang ah kum tam tak a lo zawng tawh a ni.

Police ten theihtawp a chhui hna an thawhsak hnuin DNA database hmangin chhungkua hi an inhmuh leh theih phah ta a, kum 32 lai an inhmuh tawh loh hnu ah nu leh fa te hi mittui tla zawih zawih chungin an inkuah.

Mao Yin hi rukbo a nih hian Kidnap tu te chuan £690 in chhungkaw dang hnen ah fa atan an lo lak tir thu Chinese Media chuan a sawi.

Hmana a fa kum 2 chauh kha an inhmuh leh meuh chuan kum 34 lai a upa a lo ni tawh. An nufa intawn lehna video hian mitam tak biang ah mittui a lo luan tir hial bawk.

DM