Mizo Elite News hi ṭha i tihzawng a nih chuan min lo Follow dawn nia

Mitthi Tawh Thil A Lo Lak Vangin Police Chu A Hna Atang Bantir

Police hna hi a zahawm a, an hnathawhna kawng ah mipui te dik na leh chanvo humhalh sak thin leh misual te an thil tih anga hremna pe tu an nih vangin ngaihsan an hlawh. Amaherawh chu Police thenkhat erawh ngaihsan tlak in an nun an hmang thin lo.

Kerala a mi Police hna chelh lai Jyothi Sudhakar chu a hnathawk a ruang a bawihsawmna ah mitthi lak atang a thil kawl alo laksak a ni tih hriatchhuah a nih hnu ah a hna chelh lai chu thawkzawm thei tawh lo tura chawlhtir a ni.

Jyothi Sudhakar hi Kollam District a Chathannoor Police station ah Sub Inspector in hna a thawk a, June 18 ah Thiruvananthapuram ah Mangalapuram Police station ah a post. Hetah hian mitthi pakhat thihna chhuichiang tu ah a awm a, boral hi Arun a nia rel (train) in a sut vangin a thi.

Hemi chungchang a chhuichianna an neih ah chuan in Sudhakar hian ruang kekawr ip te atang in a Mobile Phone a ruksak a ni. Arun chhung te hian a Phone a bo tih an hriat rualin thah a nih zawk an ring hman.

Hei vang hian Complain ziah luh a ni a Sudhakar hi Chathannoor Police station ah an tranfer. Police dang te chuan Mobile Phone bo chungchang ah hian inzawmna a nei niin an ring. IMEI number a Arun phone bo an chhui chuan Sudhakar hian a kawl tih an hre thei ta a ni.

Sudhakar hian mitthi kekawr ipte atang Phone a ruk number ngai chiah hi alo hman chhunzawm si a, awlsam takin an manchhuak. Police hna zahawm na neih zawng zawng ti bawrhbang tu a a tel vang in ngaihdam theih a nilo a, a hna atang chawlh tir a nih phah ta a ni.