Mizo Elite News hi ṭha i tihzawng a nih chuan min lo Follow dawn nia

Mit Ṭha Lo Chungin Zirlai Bansan A Tum Phah Chuang Lo

Mit ṭha pangngai leh khaw hmufiah ṭha thei zawk te tan cho na nasa tak a va ni em. Zirna hi thil pawimawh tak a nih laiin tam tak chuan kan la serious nep.

Nu leh pa ten midang te aia kan hnufual palh hlau in rim leh hah tak in zirna kan zawm theihna turin hna an thawk ṭhin a ni tih te hi kan hriatpui pha ve em le.

Hun remchang inhawn laia kan zir ṭhat peih loh lai in mi ṭhenkhat chuan education a pawimawhna hria in harsa leh hrehawm tak in zirna an zawm zawk a sin.

He hmeichhe tleirawl hi Phillippines ram Catabato a mi kum 18 a upa Mae Sasutil tia koh a ni a, T’boli National High School ah Grade 7 Student a ni. Mahsela cOngenital eye d! Sorder in harsatna a tawk a, a mitin khua a hmufiah thei lo. Heti chung hian School a la kal ve hram hram a, zirna hun remchang a neih chu bawhpelh a tum reng reng lo.

An zirtirtu nu Rhea chuan a zirlai thlalak hi Social Media ah phochhuak in ṭanpuina a lo ngen sak a. Thlalaka a lan ang hian hnai tak tak ah lehkhabu hi en in chuti chauh chuan a hmu in a chhiar thei chauh.

A harsatna vang hian ziak leh chhiar kawngah harsatna a tawk. Mahsela zirtirtu te hnen ah a harsatna hi engmah a complaint ngai chuang lo a, a theihtawp in a bei ṭang ṭang zawk.

A zirlaipui dang te angin a mit a fiah loh vang hian awlsam tak in thil a ti zung zung thei lo thung a. Zirtirtu in a thlalak a post hnu hian netizens aṭang khawngaihna a dawng nasa hle nghe nghe. Ṭanpui an duh thu an auchhuahpui hlawm.

Thecampfirethoughts