Mizo Elite News hi ṭha i tihzawng a nih chuan min lo Follow dawn nia

Missouri A Chhungkaw Member 5 Te Chuan Coronavirus An Vei Vek

Chhungkaw zinga pakhat in a vei ang tih pawh a hlauhthawn awm a a buaithlak dawn em em laiin Missouri a chhungkaw pakhat a member 5 te chuan Coronavirus an vei vek a nih chu.

Heng chhungkaw member 5 Covid19 vei tu te hi Brittanie leh Ryan Weinhaus te nupa, Ryan’s unaupa Jason leh chhungkaw nu leh pa ber Jane leh Michael Weinhaus te an ni.

An symptoms erawh a hrang thluah. Nu ber Jane Weinhaus, 63 hi a vei hmasa ber nia sawi a ni a, March thla laihawl aṭang khuh in a bei ṭan.

Jane hi Temple Israel’s Deutsch Early Childhood Center ah preschool teacher in a awm. A thawhpui te pawh hi an Positive thu tarlan a ni.

Jane hi Baptist Hospital ah kar khat meuh ventilator hmangin an enkawl a, a ṭha chho zel niin a pasal Michael chuan News Station a hrilh. Michael pawh hi ICU hial ah enkawl a ni ve bawk.

Jason hi khawsik, thawk harsa, khuh leh taksa kham te in a ṭan a. A nupui erawh in vei lo in a nupui leh a fate pahnih lak aṭang khung hran a ni.

Ryan leh a nupui chu an ziaawm viau tawh a ni awm e. He Virus hi tu chungah pawh a thleng thei a, an ni pawn chhungkaw mi 5 laiin an vei ang tih rin ngaihna an in hre lo a ti. A him ber chu inchhunga tawm him a ni tiin uar takin midangte pawh an chah.