Mizo Elite News hi ṭha i tihzawng a nih chuan min lo Follow dawn nia

Miss USA 2020 Atan Miss Mississippi Asya Branch, Mihang Hmeichhia Zinga Miss Mississippi USA Hmasa Ber A Ni Bawk

Ṭum eng emaw chen Miss USA chu hripui Coronavirus vanga neih theih a nih loh hnu ah Thawhṭan zan khan Memphis, Tennessee a Elvis Presley’s Graceland ah thlanna neih a ni.

Miss USA 2020 atan hian Mississippi ai awh a inlan kum 22 a upa Asya Branch chu thlanchhuah a ni a, 2019 a Miss USA title la tu Cheslie Chryst chuan Crown khum tirna hun a hmang.

Asya Branch hian Mississippi tan hriatreng tawh tur thil a hnuchhiah sak. Branch hi mihang hmeichhia zinga Miss Mississippi USA Crown khum thei hmasa ber niin Mississippi ai awha Black hmeichhia represent thei awmchhun a ni. A hun pawimawh tak ah hian hnehtu nihna a chang zui nghal Mississippi contestant ah title hui hmasa ber a ni bawk. Mississippi ah hian mihang te hi an dah sang lem lo hle.

“Ka hming lam rik a nih khan ka awih thei lo hial zawk a ni” tiin a lawmzia a sawi. Branch hi Booneville native a ni a, Ole Miss aṭang graduat in amah in cosmetics line, Branch Beauty a nei bawk.

Mihang hmeichhia te hi an duai loh zia chu nikum ah pawh a lang tawh. 2019 khan Pageant world ah black hmeichhia ten history an siam a, top title ho Miss USA, Miss Teen USA, Miss America, Miss Universe leh Miss World te chu mihang hmeichhia in an lo la fai vek a ni. Miss USA 2020, Asya Branch hi US ai awh in Miss Universe thlanna ah a tel ang.

Good Morning America