Mizo Elite News hi ṭha i tihzawng a nih chuan min lo Follow dawn nia

Miss USA 2019 chu inchhawng sang atang a zuangthla in a intihlum

Larna leh hmingthanna ten hual vel mahse hlilmna tluantling an nei si lo, hmuh leh hriat phak loh ah an nun a ruak em em a, an hun tawp hman dan erawh a lungawithlak loh thin hle ani.

Miss USA 2019 lallukhum lo khum tawh tu Cheslie Kryst chu Pathianni (Jan.30) mai khan Manhattan ah a thi a,New York City Police Department te thuchhuah atang a landanin Cheslie Kryst hi Manhattan a Building chhawng sang atang in a zuangthla a, a intihlum tih an sawi. Apartment Building hi chhawng 60 a sang a ni a, chhawng 9 na ah a cheng ani.

A boral hian kum 30 a upa a ni a, Kryst hian a boral hma lawk khan Instagram ah post siam in vawiin ni hian chawlhhahdamna leh remna thlen che rawh se tiin thuchah hnuhnung a hnuchhiah. A chhungte chuan chhiat an tawh mek lai hian an chhungkaw privacy chu zahsak hram turin an ngen bawk.

Engvanga mahni nunna la ta mai nge a nih tih hi a chhan chiang tak hriat theih ala nilo a, a chanchin duhawm lo hriat a nih rual hian beauty pageant lama a hmelhriat leh thian te chuan an uizia thu an tarlang nasa nghal hle.

Kryst hi kum 2019 khan North Carolina ai awh in Miss USA pageant ah telin hnehna a chang a, hemi hnu hian attorney lam luhchilh in 2017 khan Wake Forest School of Law atang a graduat. Entertainment news site ExtraTV tan correspondent in a thawk bawk.

Source thenkhat in an tarlan dan chuan Kryst hian a intihhlum dawna lehkha a hnuchhiah ah a thil neih engkim te chu a nu tan a hlan tih an tarlang ani.