Mizo Elite News hi ṭha i tihzawng a nih chuan min lo Follow dawn nia

Miss Universe thlanna neih mekah Myanmar aiawhtu Thuzar Wint Lwin i’n an ram tawngtaipui turin a ngen

Miss Universe 2020 thlanna neihna kalzel ah National Costume Round chu neih zawh a ni ta a, ram hrang hrang nula chhuanvawr ten an hnam thuam tilang thei tur an inbelchhuak theuh.

Florida khawpui ah Miss Universe thlanna hi neih a ni a, ram hrang hrang nula ten an hnamzia an pholanna hun ah hian Myanmar aiawh a inlan Miss Thuzar Wint Lwin chuan mite thinlung a hneh zual hle.

Thuzar Wint Lwin hian Miss Universe thlanna dawhsan stage ah ngei Chin/Lai dress mawi tak a inbelchhuak a, lehkhaziala thu inziak “Pray For Myanmar” tih chu a pawtpharh zui bawk.

Democracy tana theihtawp chhuah a, khawvel hma a an ram buai mek hriatpui a tawngtaipui tura a sawmna hian rilru leh thinlung a khawih hle. Thuzar Wint Lwin thuam hak tur a buatsaih tak zawk hi eng emaw rokhawlhna vangin a inbel thei lo a, Atlanta Georgia a Chin intelkhawm in National Costume a a hak tur hi an tum sak a ni.

Miss Universe dawhsan ngei mai a Thuzar Wint Lwin in huaisen taka an ram tan khawvel hma a tanpuina a ngenna hian hnuk te pawh a ti ulh rum rum mai.