Mizo Elite News hi ṭha i tihzawng a nih chuan min lo Follow dawn nia

Miss Universe 2021 atan India nula Harnaaz Sandhu, India ram tan mel lung a phun

Beuaty Pageant thlanna sang ber Miss Universe 2021 thlanna chu Eilat, Israel ah neih zawh a ni ta a, India ram in kum tam tak hnu ah Miss Universe hmel a hmu.

Miss Universe vawi 70 thlanna ah hian India aiawh a inlan Punjab nula kum 21 Harnaaz Sandhu chu Miss Universe atan thlan ani.

India in kum 21 hnu a Miss Universe title a kawl leh hmasak berna a ni a, kum 2000 khan Lara Dutta chuan Miss Universe Crown a khum a, hemi hnu atang hian India ram nula zingah khum leh thei an awm tawh lo. Harnaaz Sandhu hi India atang Miss Universe ni thei 3 na chiah a ni bawk.

Top 3 ah hian Paraguay leh South Africa te nen lang in a khum ta vek ani.First runner-up chu Miss Universe Paraguay Nadia Ferreira a ni a, Second runner-up chu Miss Universe South Africa Lalela Lali Mswane a ni thung. Mexico nula Former Miss Universe 2020, Andrea Meza chuan Sandhu hnen ah a lallukhum a hlanchhawng.

Harnaaz Sandhu hi Chandigarh lam mi niin October thla khan Miss Universe India 2021 atan thlan a ni. 2017 atang beauty pageant ah bul a rawn tan a, zirna lamah Public Administration ah Masters degree neih tumin a bei mek bawk. Amah hi 5’ 9” a sang ani.