Mizo Elite News hi ṭha i tihzawng a nih chuan min lo Follow dawn nia

Miss Kerala Ansi Kabeer Leh Runner Up Anjana Shajan Te Car Accident Ah Ka Pawh Chhawn Lovin Boral

Kum 2019 a Miss Kerala nihna title lo kawl tawh tu kum 25 a upa Ansi Kabeer leh Miss Kerala runner-up kum 26 mi Anjana Shajan te chuan vanduaina tawkin Car chetsualna rapthlak tak thlengah an boral tih hriat a ni.

Police te sawidan in Accident hi Thawhtan ah khan a ni. Ancy Kabeer leh Anjana Shajan te hi midang 2 nen Car in an inkhalchhuak a, Kochi bul Vytilla ah road accident hi an tawk.

Tarlan danin Driver hian an hma a two-wheeler lo tlan chu sut loh tumin theih tawp a chhuah a, Car hi a thunun zo hleithei tawh lo. Vanduaina rapthlak hi a thleng zui a, Ansi Kabeer leh Anjana Shajan te hi ka pawh chhawn lohin a hmun ah an boral nghal.

Car a chuang ve midang 2 te erawh vanneihthlak takin nunna an chan lo, mahse an dinhmun erawh ngaihtuahawm tak a nih thu hriat a ni. Police lam in Press Trust of India hnen ah Car a chuang tel ve Mala, Thrissur a mi chu damdawiin hnai berah panpui a nia, a serious bik zual hle tih an puang.

Accident ah hian car pawh a chhe hneh viau a, Police te chuan thil thlendan an chhui atang Driver chiah hian seatbell a hreng niin an hre bawk.

Nunna chan te pahnih a mi Ancy Kabeer hi Thiruvananthapuram lam chhuak niin Anjana Shajan hi Thrissur lam chhuak a ni thung. An pahnih in 2019 edition of Miss Kerala neih ah khan winner leh runner-up an ni.