Mizo Elite News hi ṭha i tihzawng a nih chuan min lo Follow dawn nia

Miss India Runner-Up Manya Singh Pa Biangah Mittui A Luang

Mi dang ten a tum ti sang lo turin an hrilh a, chung zingah chuan a laichin ah a patea te ngei pawh an tel. An ngaihdam chuan engtik ni ah emaw pasal nei se a tawk mai an ti.

Mahsela Manya Singh hi a chhungkua, a nu leh pa te chuan an fanu suangtuahna neih chu an beidawn san pui duh lo. A pa chuan autorickshaw hmangin a hruai a, a theih dan angin a enkawl. Manya Singh hian hna hnuai hnung tak, thil tihfai leh Pizza Hutt ah te hnathawk ten a inhlawh fa lawp lawp a ni.

Beidawng lo leh a beih tang tang na chuan tunah Miss India 2020 runner-up dinhmun lai a thleng a, a chenna hmun a mite leh a chhungkua te chhuan em a ni thei ta.

Manya Singh hian beauty pageant a hlawhtlinna a chan hnu ah a College luhna a tlawh a, hetah hian lirthei changkang chu sawiloh, a pa Auto hmang ngatin amah lo hmuak tu a College luhpui te awmna lam hi a pan.

Lawmpuina ah hian a nu hma ah kunin a ke a khawih sak a, a pa chu lawm avanga lungchhia in a mittui a tla hial a, a pa mittui a hruk sak lai te chuan netizen te thinlung a chhun sak chiang hle a ni.

Manya Singh chuan kum 14 a nih in a suangtuahna puitlin tur hian a beih thu a sawi a, a nu leh a pa in a kawng zawh ah an thlawp em em reng vangin tun dinhmun hi thleng thei a ni tih pawh a hrechiang hle tih a sawi. A kawng zawhna ah hian rilru nat chang leh a mittui tlak chang a nei fo a ti bawk.

“Kum 15 ka nihin a vawikhatna atan Miss India Pageant ka en ve a, ‘engtik ni ah emaw chuan crown khi ka la khum ve ang a, ka pa ka chawimawi ang’ tiin ka inhrilh thin” a ti.

A nu Manorama pawh in a fanu hlawhtlinna chu a chhuang viau. Nu leh pa dangte hnen ah thu a chah nghal. “Manya ang fanu ka nei hi vannei ka in ti. A suangtuahna ti hlawhtling tura a beihna ah hian kawng bumboh tak a zawh. A kiang ah kan theihtawp chhuah in kan awmpui tlat thin. In fanu te sang takah invawrh turin phurna leh chona siam sak ula, an tum ram thleng turin thlawp tlat zel rawh u” tiin a sawi a ni.