Mizo Elite News hi ṭha i tihzawng a nih chuan min lo Follow dawn nia

Miss Grand International Myanmar 2020 Thaw Nandar Aung Chuan UN Hnenah An Ram Chhanhim Hram Turin A Ngen

Myanmar buaina chuan zual lam a la pan chho zel a, chhungkaw in hmangaih tak tak te pawh Sipai nunrawng tak te vangin mittui nen thenhran in an awm phah.

Miss Grand International Myanmar 2020 Thaw Nandar Aung, Han Lay tia hriat chuan Nilaini khan a ram tan huaisen takin a dingchhuak a, an ram tlu chhe mek tundin pui leh turin ram dang hnen ah tanpuina a dil.

Han Lay hian Stage ah Myanmar sipai ten an ram an khawihchhiat dan leh pawisawilo mitam tak chunga rawng taka an chetna chu a hmuh in rapthlak a ti hle tih a sawi a, UN te hnen ah hnuk ulh tak chungin an ram tanpui turin alo ngen lawm lawm mai.

Dawhsana a dinchhuah hma hian a chipui te chuan he a hun tha hi a ram tan auchhuah na remchang ah a hmang dawn em tih an zawt a, Han Lay chuan a chungah engthil pawh thlen huam chungin ram tana a theihtawp in aw ka a chhuah dawn tih alo hrilh.

“Hei hi ka sawi duh a, UN [United Nations] te hma inlak hma hian engthil chiah nge in la nghah reng ni. Myanmar ah hian mitam takin ram tan an nunna an chan tawh a sin. Humanity ngaipawimawh hmasa in a rang lamin hma la hram teh u” tiin Stage ah hian a sawi.

Democracy beihna kawnga a tawngchhuah avang in miten amah leh a chhungte dinhmun an ngaihtuah pui hle a, Han Lay erawh chuan Thawhlehni thleng khan a chhungte nen inbia in an la him tlan thu a sawi bawk.

American journalist in US te inrawlh tura a duh leh duh loh a zawh in, Han Lay chuan pawisawilo ten nunna an chan nasa em em a, a rang lama khawvel ram dang te an inrawlh thuai thuai a tul tak zet a ti.