Mizo Elite News hi ṭha i tihzawng a nih chuan min lo Follow dawn nia

Mipui In Kut An Ben Laia Priyanka Chopra In Prince William Leh Kate Te A Ngaihsak Lo Lutuk Chuan Sawi A Hlawh

Bollywood Actress hlawhtling ber zinga chhal ngam, khawthlang rama pasal nei Priyanka Chopra Jonas chu Wimbledon tournament ah a pasal tel lovin a hmun ngei ah a en ve a, Tournament video clip ah Priyanka Chopra hian Duke and Duchess of Cambridge te an thutna tur lam rawn pan phei a mipui in kut an ben dur dur a ngaihsak lutuk lo chu Social Media ah a viral chiam.

Video Clip ah hian Prince William leh Kate te nupa hi Women’s Singles Final thlir tur hian an thuthmun lam an pan phei a, mipui ten lo lawm in kut an beng. Priyanka erawh in alo bengkhawn vaklo a nih hmel, kut an ben lai hian a scarf te siam tha in a thian dangte lam a hawi deuh zuk zuk a ni.

Commentator meuh pawn Chopra-Jonas hian William leh Kate a ngaihsak vak lo a ti. Hei hian a phen ah sawizawm thil a nei leh nghal. Priyanka hian lal chhungkua an ni tih pawh a hria, a ngaihsak loh chhan zawk tak chu Harry nupui a thiannu Meghan Markle lam tang a nih vang ah puh a ni leh ta hmiah.

2016 January a ELLE Women, Television dinner khan hmaichhan ah inhmu in thiantha tak an ni zui a, Prince Harry nen an inneihna ah pawh milar mikhual langsar pawl ah tang pha ve.

Tunhnaia Britain lalchhungkaw chanchin ah thu thang a tam a, Meghan hi Oprah Winfrey nen Interview a neih tum khan lalchhungkaw chungchang a rawn haichhuak a ni ber. Markle hian Interview ah chuan lalchhungkua te hi a fak lo hle, monarchy hian rilru lam harsatna mental illness a neih lai pawn thlawpna a hmu lo a, a mopui Kate in Harry nen an inneih hma atang a tihnat thu te a lo sawichhuak deuh nual a ni.

Mahse a thiannu vang a Priyanka in Prince William leh Kate a huat chhan ngawt tur a awm lo tih hi netizen thenkhat ngaihdan a ni a, midang zahder leh awmdan tur a haihchham palh vang zawk pawh a ni thei tiin a thlavang an hauh, theory atthlak tak irhchhuak chu an pawmpui ve der lo.