Mizo Elite News hi ṭha i tihzawng a nih chuan min lo Follow dawn nia

Tihluihna A Mipat Hmeichhiatna Lam Hawia Khawih Tawktu Hmeichhia Chu Tlanchhia In A Thil Tawn Rapthlak Tudai Nan MMA Fighter Ah A Lut

Hmeichhia te hi mipa te aia awmnem zawk an nih vangin zuam ngawt tur an ni lo. Dan hian hmeichhia te dikna leh chanvo hi a humhalh nasa hle tih mipa te hian vawn reng a tha.

Kheira Saadi, 32 hi France khawpui Paris a piang leh seilian a ni. Vanduaithlak takin an chhungkaw dinhmun a pelhsawlh hle a, a naupan laiin a pa hi drug vangin Jail a tang a, a pa lo chhungte dang belh tur a nei silo, hei vang hian foster care ah a awm phah a ni.

Foster Care a a awmna ah hian mi tha lo tak tawngin a nun tih hrehawm in a awm a,physical leh sexual abuse a tawk. 2012 khan tlanchhia in US ah a fanu nen an tlanchhia.

US a pan hma hian France atang Brussels lam an pan phawt a, pawisa a ngah tawk a neih hnu ah US pan nghalin Sacramento, California ah a fanu nen hian an cheng mek a ni.

Kheira Saadi hi nursing student a ni a, a chunga thil thleng te tuar thei tawh lova a pianna hmun a chhuahsan hnu ah mittui tla a beidawng rum rum chang pawh a ngah thin hle. Mahse nun ralti leh hlauthawng reng renga awm reng a tha lo tih a hrechiang. Boxing ah a thil tawn te tudai turin inringtawkna a neih theih nan a lut a, MMA Fighter training hial a nei tawh. Hei hian a hma a misual tawrawt tak a tawn hun pawn amah a invenna turin theihtawp in tan a lo khawh a, a rilru natna leh thinrimna chu chona pe tu tha zawk ah a hman phah.

“Nun hlauthawng taka awm reng ka tum tawh biklo. Tunah chuan ka inveng ve thei tawh a, hman a hmeichhe awlsam kha ka ni tawh lo a ni. Rilru leh taksa thlenh na taka min siam a min khawih tu khan engtin mah min tawk thei tawh hauh lo ang” tiin a sawi. A dinhmun anga awm mek te chu an thil tawn te thup mai lovin sual lek turin a sawm bawk.