Mizo Elite News hi ṭha i tihzawng a nih chuan min lo Follow dawn nia

Mipa Naupang Vanneih Tak Chuan A Pa Second-Hand Car Ah Pawisa Tam Tham Tak A Chhar

Vanneihna hi tu chungah pawh thleng thei reng a ni. USA’s Indiana a mipa naupang pakhat hi a vanneih viau mai. Kum 9 mi Landon Melvin hian a pa car a tihfaina lam ah a rin loh tak mai a chhar a ni.

Landon Melvin hian ni khat chu a pa Second Hand car lei ti faiin hun a hmang a, he Car hi a pa hian September thla daih khan a lo lei tawh nghe nghe.

Chutia a tihfai mawlh mawlh lai chuan Car chhuat ah envelope a chhar a, a chhung an en nak chuan pawisa tam tham tak mai a lo awm a ni.

WRTV hnen ah he mipa naupang Landon hian a thil chhar chu a pa a hrilh hnu ah pawh chuan a pa chuan a lo bengkhawn duh sak lawk lo. A fapa thil chhar chu Paper vel mai mai ni ah a ngai a, mahsela a fapa chuan a nawr hnu ah envelope a han hawn chuan $5,000 lai a lo awm a ni.

Michael an pawisa a hmuh chuan a nupui au nghal thuaiin an fapa thil chhar chu en ve turin a ko. Pawisa mai bakah hian South Carolina a mi chhungkua te theihnghilh check thenkhat te a lo awm bawk.

Michael chuan heng a fapa pawisa chhar te hi a ruka neih a ngawihbo pui mai tha in a hrelo a, pawisa theihnghilh tu chhungkua te hi be pawp nghal in pawisa te hi an pe kir leh. Landon hian a pawisa chhar a pek kir leh vangin lawmman atan hian $1,000 an pe a ni. Hei hi India pawisa chuan Rs72,813 lai a ni.

Kan thil tihna kawng tinreng ah hian rinawmna hi alo pawimawh hle. Rinawmna avang hian thil tam tak kan hmu let thei thin a ni.