Mizo Elite News hi ṭha i tihzawng a nih chuan min lo Follow dawn nia

Mipa naupang tuichhunchhuah 100 feet thuka tla chu chhanchhuah tum mek ani

Mipa naupang lainatawm tak kum 5 upa Rayan chu Thawhlehni liam ta khan Morocco a an chenna Ighran village, northern province of Chefchaouen a tuichhunchhuah ah tla in lei hnuai 32-metre (105-feet) vela thuk ah a tang mek. A pa in tuichhunchhuah hi repair hna a thawh laiin a chesual palh nia tarlan ani.

Morocco Rescue workers te chuan mipa naupang chhanchhuak tur hian theihtawp an chhuah a. Thawhlehni atang khan chhanchhuah hna hi thawh tan a ni a, ni 4 hnu ah pawh lakchhuah mai theih ala nilo. Tunah hian operation hi neih ala ni a, Rayan awmna pawh an hnaih viau tawh tih an puang.

Rayan hi lei hnuai ah hian nungdam in a la awm ngei tih an finfiah a, a dinhmun chiang tak erawh hriat ala nilo. Ningani khan Rescuers te chuan oxygen leh tui (water) te hrui hmangin an pe thla. A tlakna hi a zim em vangin hmalak zung zung pawh a theih loh.

Vanduaina thlen na hmun ah topographical engineering a experts te pawh koh an ni. Moroccan authorities leh firefighters ten theihtawp an chhuah a,bulldozers bakah hmanraw dang hmang ten lei hi laih a ni. Amaherawh chu lei te hi a ngheh loh vangin a min thut palh ah tiin an chawl lai lawk a, ruahmanna thar nen a hnu ah chhunzawm leh ani.

Mipa naupang hringtu nu Wassima Kharchich pawh a fapa dinhmun vangin rilru hrehawm takin hun a hmang mek a, “ka fapa hi khuar/tuichhunchhuah atang nungdam a a rawn chhuah theih nan Pathian hnen ah tawngtai in ka dil ani” tiin local television station 2M hnen ah a hrilh.

Rayan lakchhuah huna buaipui turin Medicall staff te bakah damdawiin a hruaina tur helicopter thlengin inpeihfel sa vekin an awmhmun theuh ah an awm tawh a,Moroccan government chuan mipa naupang nungdam a lachhuak tur hian an theihtawp tak meuh meuh an chhuah tih an sawi.

Khawvel in mipa naupang Little Rayan chhanchhuah na hi beiseina sang tak nen a thlir mek a, hashtag #SaveRayan chu Social Media ah a lar zui hle bawk.