Mizo Elite News hi ṭha i tihzawng a nih chuan min lo Follow dawn nia

Mipa naupang tu pawi mah sawilo chu an chenna ah chema vihhlum ani

Rilru thianghlim leh tu pawi mah sawi hmel pu lo mipa naupang kum 5 leka upa chu chemte a vihhlum a ni a, a thihna chungchang ah hian chhuizui mek ani.

He thil rapthlak thlenna hi Earlsdon, Coventry ah a ni a, mipa naupang hi Mario Lazarica niin Poplar Road a an chenna in ah vih a ni a, a hringtunu in a fapa chunga thil thleng a hriat leh hmuh rualin nasa takin a au chhuak chiam tih an sawi a, an thenawm khawveng a mite pawh a ti hrilhhai hlawm viau ani.

An thenawm a khawsa ve pakhat in a sawidanin mipa naupang nu Cristina hi a mangang in a rak nasa hle ati a. “Ka fapa” tia au in Co-Op hnai berah tanpuina zawngin a tlan a, Police te ko turin alo ngen tih a sawi.

Amaherawh chu emergency services te an thlen ve meuh chuan mipa naupang Mario Lazarica hi chhan theih a ni tawh lo. He tualthahna ah hian nu pakhat kum 49 mi chu Police ten tualthattu a rinhlelh in thu zawhfiah atan an hruai. He nu hi Cristina chhungte nen in hre hnai tak an ni tih hriat ani.

Tualthat tu nia an hren bak chu rinhlelh tur awm midang tumah an nei lo. Mario Lazarica hi mipa naupang thuawih leh hlim thei tak a ni a, a chunga thil rapthlak a thleng hi a nu leh pa te hian an tuar viau bawk ani.

Police te chuan he thu buatsaih lai thleng hian tualthat tu hi an la hre thei lo. Vihhlum a ni ngei tih chian turin post mortem results an nghak.