Mizo Elite News hi ṭha i tihzawng a nih chuan min lo Follow dawn nia

Mipa Naupang Pahnih Te Chu Online Game Vangin An Nunna An Chan Phah

Games chu khelh tura siam a ni a, mahsela chin tawk erawh neih thiam tur. India ram ah rawlthar kum la naupang tak tak pahnih te chu Online Game, PUBG an khelhna ah an nunna hlu tak an chan phah tih hriat a ni.

Pathianni mai a Mathura, Uttar Pradesh a thil thleng a ni a, mipa naupang te hi Moring Walk neia an chhuak chu Pubg khel in rel kawngah hun an hmang a, Game ah an rilru zawng zawng an pek vangin rel tlan pawh hrechang leklo khawpin an inkhel a, rel hian chil/su in an boral a ni.

Northern Uttar Pradesh state a Mathura leh Kasganj inkarah a ni. Jamunapar police station a Officer, Shashi Prakash Singh in a News agency IANS te hnenah Accident thlen lai hi hmu tu an awm lo a, eng rel nge tlan tlang tih pawh engmah hriat a nilo.

Chetsualna thlenna hmun ah hian phone pahnih chhar a ni a, pakhat zawk chu accident ah hian a chhia. Pakhat zawk erawh a him a, hmuh a nih hian Games ah a lo la in on reng bawk.

TOI in a tarlan danin mipa naupang ruang hmu hmasa ber tu hian zing dar7 bawr vel khan a va hmu a, mit ngei vanduaina thleng hmu tu hi an awm lo. Nunna chan te hi Gaurav Kumar leh an thenawm Kapil Kumar a ni a, kum 14 a upa ve ve niin school hran ah an lut. Gaurav hi Guru Nanak Dev Public School a zirlai ni mekin Kapil hi BGB Braj Education Academy Senior Secondary ah a lut thung.

Gaurav pa chuan zing lamah a fapa in a phone hi a hmansak thu a sawi. Mipa naupang te hi an chenna 100 metres leka inhlat chauh an ni. Kapil pa Sanjay Kumar chuan a fapa in Online Game a khawih tih hi hre hma se chuan mobile phone hi a pek hauh loh tur thu a sawi hial. Ruang hi postmortem tura thawn an ni.

PUBG (PlayerUnknown’s Battlegrounds) hi online multiplayer game niin India ram ah pawh a lar hle a hemi kaihhnawih a boral pawh an awm nual tawh. China App 117 ban zingah khan a tel ve a mahse South Korea’s Krafton in Chinese Tencent atang phalna an lei hnuah khelh leh theih a ni.