Mizo Elite News hi ṭha i tihzawng a nih chuan min lo Follow dawn nia

Mipa Naupang Lainatawm Tak Chuan Tihdam Theih Loh Hiala Sawi Skin Disease In A Tlakbuak Vangin Pawn Lamah Hun A Hmang Ve Theilo

A vanduai na hi a nu leh pa te tan chuan hriatthiam a har dawn mang e. He mipa naupang lainatawm tak hian a natna danglam tak vangin pawn ah chhuak in a ṭhian te kiangah pawh a infiam ve thei lo.

Muhammad Faris Amsyar Mohd Zurari hi kum 6 leka upa a ni a, Pengkalan Chepa, Kelantan ah an awm. Faris hian natna mak tak mai veiin Epidermolysis Bullosa (EB) an tih chuan a tlakbuak.

He a natna hian pawn a awm thei lo in a siam a, a vun tan hian khaw lum te chu tuarhlelhawm a ni a, ni sa a do thei lo hrim hrim, ni (sun) in a taksa a em chu a thiang lo a ni. A taksa hian thuamhnaw bakah toys ang pawh a tawk hlei thei lo. Hei vang hian in chhung ah hun a hman a ngaih phah.

A nu Norazilawani Zi (kum 36) chuan Faris hi via surgery in Hospital Raja Perempuan Zainab II (HRPZ II) ah a nei. A pianhlim aṭangin nausen dangte a ang lo nghal a, a ke ding lam chuan vun a nei lo. A khup aṭang a ke hmawr thleng vein a lang thei vek.

Doctor te meuh pawh in a natna ang hi tih ngaihna tak an hre bik lo. A nu chuan a fapa hi a taksa pawn lam hmuh theih ah chauh nilo in chhung lam ah thleng pawh hliam a neih thu a sawi, a hahni a nghawng tel a thil ei a harsat phah hle a ni.

Kum thar 2021 February thla ah Surgery hi nei turin an ruahman a,a ha ṭhenkhat chhiat phah te bacterial infections laka ven nan phawi sak tum a ni.

Norazilawani hian a hun pum a fapa enkawl nana hman a duh vangin kum 5 kalta khan a hnachelh lai insurance company a clerk hna a thawh chu a chawlhsan phah hial bawk. Nikum khan an in kiangah nepnawi dawr hawngin nikhat ah RM50 te a hlawhchhuak ve, a pasal hi manual laborer niin nikhat ah RM100 a hlawh ve bawk.

Amaherawh chu hna an thawk reng chung hian sum lamah harsatna an tawk tho a, a chhan pawh an fapa Muhammad Faris enkawl nan hian thla tin RM2,000 a ngai. Cleaning equipment leh bawnghnute atan bik liau liau lei a ngai ṭhin. Tin, thla tin Social Welfare Department (JKM) aṭang RM350 chhawmdawlna an dawng bawk.

WOB