Mizo Elite News hi ṭha i tihzawng a nih chuan min lo Follow dawn nia

Mipa Naupang Kum 9 Lek Chuan YouTube Video Atanga A Thil Thiam Chu Eizawnna Atan A Hmang

Kum 9 lek kan nih in eng thil nge kan tih ve ang aw. He mipa naupang hi chuan Youtube a a thil en atanga a thiamna chu a chhungte leh ama mamawh ang thawhchhuahna atan a hmang thei daih.

Naupang fek tak Nong Weir hi Yen Daeng Market, Nakhon Ratchasima Province ah chuan a ma siam ngei crepes a zuar chhuak thin. Khaosod Online te chuan he elementary school zirlai lek thil siam hi a tuihnai em avang in miten an duh em em a, Customer pawh a neih tam hle tawh thu an tarlang bawk.

A unaupa Sattaya Kham chuan Nong hi Grade Three chauh a la ni a, chawlhkar tin Inrinni leh Sunday a piangin Market ah crepes te hi a zuar a, School an chawlh ah pawh a zuar tho thin thu a sawi a ni.

A tirah chuan Nong hian Sattaya hi a dawrte ah a pui thin. Amaherawh chu Covid vanga harsatna thleng ah an chhungkua in pawisa lakluhna dang tha tak an neih loh vangin amaha dawrte hawn ve chu a thlang.

Nong hi a kum naupan ngaihtuah in a puitling hle a, a thil tum ah a ruh bawk. Crepe siam dan hi Website hrang hrang en kual leh YouTube video a en atang te in a in zir thiam vek a ni. A nu leh pa te hnen ah a bungrua mamawh ang te ngaihtuah sak tura a tih hnu ah chuan Market ah a inzuarchhuak tan ve nghal. A chhuanawm reuh khawp mai.