Mizo Elite News hi ṭha i tihzawng a nih chuan min lo Follow dawn nia

Mipa Naupang Kum 9 In Hmeichhe Kum 18 A Upa Misual Ten An Rukbo Tur Lak Atang A Chhanhim

Mipa naupang te mah nise a thil tih hi a neu hauh lo. Puitling tawh te pawh in an ngam loh tur thil a ni. Mahsela he mipa naupang hian a huaisen na zawng zawng sawmkhawm in hmeichhe pakhat rukbo ni mai tur chu a chhanhim.

Tiernan McCready (kum 9) hi Londonberry, Northern Ireland ah an School atang an chenna in lam pana a haw kawngah chuan misual ten hmeichhe pakhat an ru bo tur lai a phawk a, mipa pathum te chuan kum 18 mi hmeichhia chu van ah phurh a rukbo an lo tum mek a ni tih a hmu thiam nghal.

Tiernan McCready chuan Belfast Telegraph hnena thil thleng a sawidan in a thil hmuh khan a tirah a thawng hle a ni. Amaherawhchu mit a hmu tu awmchhun a ni tih a inhria a, mi pakhat nunna chu a kutah a innghat tih hre reng chungin thil thleng chu haider luia kalsan ngawt theih a nih loh thu a sawi.

Hmeichhe chhanchhuah theih dan kawng chu a ngaihtuah vang vang hnu ah rukbo tum tu misual 3 te chu an hriat theih turin ring takin a au ta a, an mi man hmeichhia chu an kal tir lo a nih chuan Phone hmanga Police a koh tur thu a hrilh.

Hetah hian misual te chu an hlauthawng deuh titih ta a, hmeichhia an man pawh chu a talchhuah theih phah. Misual te lak atang chuan an theihtawp a chakin an tlan a, McCready hi an tlanna ah step a a tluk na ah chuan a inhliam ve nghe nghe. Vanneihthlak takin him takin misual lak atang in an chhuak thei a, McCready hian a nu hnen ah an thil tawn te chu hrilhin Police lam te chu biak pawh an ni ta bawk.

Police te ngei pawh in Tiernan chu a huaisen zia hriatpuiin an chawimawi a, a huaisen lawmman ah hian chawimawina PSNI badge an hlan hial bawk a ni. Police lam chuan McCready atang hian midang te fuih nan an hmang a, mahni chhung hnai vai te chungah pawh heng te hi thleng thei a nih thu an tarlang. ‘Hei hi thil khunkhan leh pawi zawk intanna a ni thei ang. Chu hmeichhe naupang chu ka nau te, ka unaunu te, i fa te , i chhungkaw zinga mi te a ni thei’