Mizo Elite News hi ṭha i tihzawng a nih chuan min lo Follow dawn nia

Mipa Naupang Kum 7 Mi Khabe Cancer Natna Tuar Mek Hian I Tanpuina A Mamawh

Midang tana malsawmna ni turin i ke rawn penchhuak ve ta che. Kan hnaih vaiha awm tanpui ngaite chhawmdawl hi kan rawngbawl ve theihna kawng a ni tih rilru ah vawng reng ila.

He naupang lainatawm tak mai hi a hmingpum chu Lalfakzuala a ni a.

Anu leh pate fa neih chhun niin vanduaithlak takin a khabe a cancer tih an hre chhuak a, an khawsak a harsat em avangin an khua a an In leh lo neih chhun chu an fapa enkawl nan an hralh ta a.

Tichuan Aizawl lamah an fapa enkawl turin an kal a, mahse an sum neih in a tlin siloh avangin anpa chuan an nufa kalsanin Singapore ah a fapa enkawl na tur sum tuakin a kal ta a ni.

Anu pawh chhun lamah a fapa damlo kalsanin mi inah in chhung chet vel a theih ang ang tiin a inhlawh kual chang a awm thin a. Aizawl ah hian chhung leh khat belh mai tur an neih loh avangin New Capital Complex a mi inah an nufa in an la awm hrih a ni.

Chemo la a damdawiin kal angaih chang te hian an nufa chuan an in paw lawp lawp mai thin a, a chang chuan ke a kal chang te pawh an nei thin a ni. An chhungkua hi an harsa emai a, an tan zah pawh dawn lovin in/i khawngaihna kan rawn ngensak leh tawp mai a ni e.

– Zo Inspiration