Mizo Elite News hi ṭha i tihzawng a nih chuan min lo Follow dawn nia

Mipa Naupang Kum 4 Mi Chu Covid19 Vanga Surgery Neih Theih Loh Vangin A Thih Phah

A nu chuan heti hian lungchhe takin a sawi a, “he hripui rapthlak hi chu awm lo se chuan ka fapa hi a la dam ve ngei ang” tiin. Covid19 kai kher lo mahse hri chuan kawng dangin a tihlum ta tho.

Melbourne a mi mipa naupang kum 4 a upa Jahleel hi khawvela Parkinson’s disease tuar naupang bera sawi a ni a, thla 3 mi a nihin Amino Acid Decarboxylase Deficiency chuan a tlakbuak.

A natna vangin Jahleel hian Surgery neih a ngai a, amaherawh chu coronavirus pandemic vangin Operation a neih tur chu a ti khawtlai ta tlat.

May thla khan Poland a surgery hmachhawn tur a nih laiin Covid19 in khawvel chawk buai a global travel restrictions puan vangin Surgery hi a nei thei ta lo a ni.

A huna operation neih a ni ta lo chu mipa naupang khawngaihthlak Jahleel dinhmun chuan chhiatlam a pan zel. Kar kalta khan damdawiin ah cardiac arrest in a boral thu a nu Rebecca Marsh chuan a sawi.

A nu Rebecca Marsh chuan May thla a Poland a surgery neih kha a fapa damchhuah ve theihna tur kawng awmchhun a ni a mahse kal theih a ni silo. He pandemic hi thleng lo se chu a fapa hi ala awm ve ngei ang tiin a rilru a na hle a, tih theih nei lo in hrehawm tak chungin a fapa thawk tawp hun chu an nghak a ni ta ber mai a ni.

DM