Mizo Elite News hi ṭha i tihzawng a nih chuan min lo Follow dawn nia

Mipa Naupang Kum 15 A Upa Chu University of Nevada, Las Vegas Atang Graduat In Bachelor Degree A Nei Der

Mi fate hi sawi lan loh a har thin. California a cheng mipa naupang danglam tak kum 15 lek a upa chu college atangin a graduat tih hriat ani.

Jack Rico hi December thla mai khan University of Nevada, Las Vegas atangin 3.78 hmu in history ah bachelor’s degree a nei a. UNLV Facebook page chuan Jack Rico chu University of Nevada a graduat zingah graduat thei naupang ber ani tih an tarlang.

A tet lai atang tawh Jack Rico hi mi danglam chungchuang tak ani. Kum 4 chhungin degree 5 a nei thei. Kum 13 a nih in degree 4 a kawl a, tunah UNLV ah a zo ve ta chiah.

Kum 11 a nihah a nu Andrade chuan homeschool in zirna a kalpui a, mahse a fapa mi bik tak zirtir tur chuan a phak tawk lo nasa a, atan zir tur thil thar pawh a chhawpchhuak hlei theilo. Fox News hnen ah chuan a fapa chu amah ai pawn a smart zawk a,mi danglam tak a ni tih a hrilh.

Kum 11 a nih hian Fullerton College ah placement exam a hmachhawn a, K-12 bridge program ah offer a hmu. Programme ah hian rinphak baka a score san vangin college authorities te chuan college-level course ah an hlangkai nghal hmiah. Kum 2 a zir hnu chuan associate degrees 4 a nei thei. History, social behaviour, art and human expression leh social science ah te degree hi a hmu a, 4.0 GPA a ni vang bawk.

Kum 14 ah UNLV ah hian Rico hian class a la tan a, December 14, 2021 khan official takin a graduat tih an puang. Rico chuan he hun thleng tur hian rim taka a beih thu a sawi a, a zirna kawnga thlawp leh buaipui tu te professors, a classmates leh a nu te chungah lawmthu a sawi. A hma hun lo awm tur ah master’s degree hlawhchhuah leh ngei a tum ani.