Mizo Elite News hi ṭha i tihzawng a nih chuan min lo Follow dawn nia

Mipa Naupang Kum 11 Leka Upa Chuan Physics Ah Bachelor Degree A Nei Der

Mi fate hi zawng tluk loh rim hi an nam thin khawp mai. An kum rualpui te ai a danglam fal nalh mi bik naupang hi an piangchhuak leh nawlh zel.

Belgian mipa naupang kum 11 leka upa Laurent Simons hian khawvel barakhaih dawt tur khawp in physics ah bachelor’s degree a nei der tawh. University of Antwerp atang a graduat a, khawvel a graduate naupang ber pahnihna dinhmun a rawn hauh nghal.

Degree nei satliah mai a ni lo a, highest distinction ngat a ni thei. University Degree zawh nan hian mi nawlpui chuan kum 3 hun an mamawh thin a, mahsela Laurent Simons hian kum 1 chauh a hmang thung.

Dutch newspaper De Telegraaf ten an kawmna ah chuan kum naupang te chunga bachelor’s degree a nei chu engvak ah a ngailo, tun hi chu a bul tanna tura rahbi pakhat chauh a la ni a, puzzle piece pakhat ang lek nen a tehkhim. A tum leh a goal ber chu mihring thihtheihlohna (Immortality) daih a nia aw. ‘Immortality is my goal’ tiin he naupang fing danglam tak hian a sawi.

Classical mechanics leh quantum physics te a tuipui hle a, high school academics zawh nan 1.5 years a hmang a, University of Antwerp atang physics ah master’s degree neih ala tum cheu.

Kum 1994 khan Laurent Simons ang chiah a danglam Michael Kearney chuan University of South Alabama atang anthropology ah degree alo nei tawh a, Michael Kearney hi khatih lai khan kum 10 chauh la niin, Graduat hriat zingah ala naupang ber nghe nghe.