Mizo Elite News hi ṭha i tihzawng a nih chuan min lo Follow dawn nia

Mipa Naupang In A Zun Khawi Aṭang Nge A Chhuah Tih Hriat A Duhna Ah Wire A Rawlh Lut

Naupang ṭhenkhat te hi chuan thil hi an lo chik ru ṭhin khawp a, an nu leh pa te hnena an zawh duh loh leh ngam loh te chu an mahni ngeiin zawnchhuah a fiah chakna riau an nei tlat ṭhin.

China a mipa naupang kum 13 a upa Xiao He tia a hming tarlan hian a serh (sazu) ah electrical cable wire ft 2 zeta sei chu a lo rawlh/thun lut a. A nu leh pa te hriat a hlauh vangin hun eng emaw chen, thla 3 chhung chu Wire hi a zunkawng ah a pai tawh.

Mahsela a zun lamah amah ah nghawng a neih phah a, zun zawnga na tiin a zun ve chhun ah thisen te in a zung chhuak. A nu leh pa te ngaih ṭha lo chuan damdawiin ah an hruai ta a ni.

Medics lam in an endik a, X-Ray te an neih hnu chuan Xiao He’s bladder ah chuan Metal Wire an hmuchhuak. Chutah chuan Doctor te hnen ah Xiao He hi a inpuang.

Zun (urine) hi khawi aṭanga lo kal nge tih a hriat duh vangin Wire hi a serh ah a rawlh/thun niin a sawi. Operation hi Songshan Lake Central Hospital of Dongguan, southern China ah neiin Metal Wire hi phawrhchhuah sak a ni.

Hetiang khawpa Wire sei hi engtin nge a thun/rawlh theih zawk tiin Operation neitu zinga mi Dr Cai Chongyue chuan a sawi hial a, a barakhaih ve khawp mai. Vanneihthlak takin a bladder lamah hian pawi liantham a thlen hman lo hlauh a ti.

DM