Mizo Elite News hi ṭha i tihzawng a nih chuan min lo Follow dawn nia

Mipa Naupang Chuan A Thih Hnuah Mi 4 Nunna A Chhan Sak

A chhungte tan chuan a harsa hle ang. Mahsela amah vangin midang ten nun thar an neih phah thung si a ni.

Mipa naupang kum 15 a upa chu Accident vangin Jaipur a Sawai Man Singh (SMS) Medical College ah enkawl a ni a, amah hi Tonk district a mi niin November 3 khan SMS ah hian an lo admit.

Medics ten theihtawp an chhuah hnu pawh in a nunna an chhan sak thei lo. November 7 khan brain dead tiin a boral tih puanzar a ni.

A boral hnu hian a chhungte hnen ah chuan an fapa vang hian midang ten nun thar an neih theih dawn thu an hrilh a, a chhungte chuan an fapa in midang te tan malsawmna a thlen theih dawn chuan tiin a organs te chu lakchhuah an rem ti.

Doctor te chuan a chhungte hnen aṭanga remtihna leh phalna an hmuh hnu ah a kawchhunga organs te chu lakchhuah niin a kal (kidney), lung leh thin (liver) te chu lak a ni.

Tleirawl organs zinga a kal (kidney) leh thin (liver) te chu SMS, Jaipur a damlo 3 te hnen ah donate a ni a, a lung (heart) erawh Jaipur a a mil tur awm loh vangin Delhi a Private Hospital ah thawn a ni. Amah vangin mi 4 laiin nun thar an neih phah dawn.

Hetiang deuh chiah hian mipa pakhat pawh in September thla khan a nupui thi tawh organs pawimawh a lung leh thin (liver) te chu donate in Pune, Mumbai a damlo pahnih ten nun thar an neih phah tawh bawk a ni. An thil tih hi a ropui khawp mai.

IT