Mizo Elite News hi ṭha i tihzawng a nih chuan min lo Follow dawn nia

Mipa Naupang Chuan A Nu A Ngaih Em Vangin Zanah A Chhungte Hriat Lohin Thlan Lam A Pan

Nu leh pa te chan nat dan chu a tawng tawh a piang ten an hrefiah zual thin, nu leh pa te hi khawvel a kan neih ro hlu ber te an ni a, he khawvel eng min hmuh tir tu an ni.

China ram Jiangsu a mipa naupang kum 12 lek a upa hi a nu in a boralsan a, a nu thihna hi a tuar in hriatthiam har a ti hle. A nu a ngaih em avang chuan zan ah a nu thlan tlawh turin a lo chhuak ru thin.

May 8 khan a video hi phochhuah a ni a, a nu a ngaihzia hian mite thinlung a chhun sak chiang hle. A chhungte dang zawng zawng muthilh lai chuhin a rukin an in a chhuahsan a, taxi in a nu thlan lam a lo pan a ni.

Taxi a chuanna driver chuan he mipa naupang a nu ngai a lungleng em em hi a puih theih nan police te awmna lam ah a panpui a, Police ten engthil nge tih a tum an zawh chuan a hmangaih em em a nu thlan lam pan a tum a ni tih a lo hrilh.

Police ngei pawh he mipa naupang hian a rilru a khawih viau a, zing lamah pawh a nu thlan chu a kal theih reng a lawm tiin Station lam ah a kir pui a, authorities te chuan mipa naupang chhungte hi thil thleng hrilhin an be pawp nghal.

A nu a ngaih em em avang in zan thim meuh pawh in a dang zo tawh lo a. A nu duhthusam ti hlawhtling a mi chhuanawm taka a rawn thanlen chhoh ngei an duhsak hlawm.