Mizo Elite News hi ṭha i tihzawng a nih chuan min lo Follow dawn nia

Mipa Naupang Chu Awle In Dawlhin A Nunna A Chan

Thil thlen lai a a mangan ve tur zia hi han ngaihtuah teh. Indonesia ram Borneo island ah mipa naupang kum 8 a upa chu Awle (Crocrodile) in a dawlh tih hriat a ni.

Nilaini khan he naupang hi a pa leh a nau mipa nen fishing in an chhuak a, East Kalimantan province a luiah tuichengin an kal a, an pa chuan vaukam atang a fapa te tuicheng hi a thlir a ni.

Hetia a fapa te chetla a thlir reng lai chuan a upa zawk chu Awle hian bei thut in a dawlh zui ta mai a. A fapa chhan tum hian che chhuak nghal mahse hmanraw dang engmah a keng lo nen Awle hi a chak si a, lui lamah a lut hman.

Thil thlen tuk ah Kutai Timur district a tualchhung mite chuan Awle lian zet mai metre 6 vel a sei chu an man a,a pum an han zaihawn nak chuan mipa naupang ruang hi an hmu ta a ni.

Heti lai hmun hi Awle te tuakchaina leh an tamna hrim hrim a ni tih an sawi a, amaherawh chu Awle tam viau na hmun e ti lovin mite an kal nasa thin hle.