Mizo Elite News hi ṭha i tihzawng a nih chuan min lo Follow dawn nia

Mipa Kum Upa Lam Tawh Chu Vaccine La In 10Km A Hla Ah A Kal Vang Vang A Mahse Vaccine A Lak Hnu Lawkah A Boral

Covid19 vangin nun phung zawng zawng a chawkbuai vek a, a invenna leh indanna turin Vaccine a rawn chhuak ta chenga hman tlak loh leh thihpui phah hial an awm leh zel bawk.

India ram a mi pa pakhat kum 60 a upa Jethu Ray Kotwar hi an khua atanga Km10 zeta hla Simdega district, Jharkhand ah Vaccine la turin a kal a, March 19 chhun lai vel in Vaccine hi pek a ni.

Amaherawh chu Ray Kotwar hian Covishield vaccine dose 1 a lak hnu hian a taksa ah insawiselna a nei tan a, a nuamsam lo zui ta nghal a ni. A damloh tak hnu hian sadar hospital ah enkawl hmasak phawt a ni a, mahsela a dinhmun in that chhoh lam reng a pan hleihtheih tak loh hnu chuan Ranchi a Rajendra Institute of Medical Sciences (Rims) ah refer a ni a, Ranchi an panna ah a boral ta a ni.

A thihna chungchang ah hian Simdega civil surgeon Dr PK Sinha chuan sawichian dawt a harsat thu a sawi a, Vaccine vanga a taksa a nghawng thalo zawk neih Adverse Event Following Immunization tawk ta a niin a lang.

Vaccination centre ah hian Jethu bakah a nupui leh a fapa te pawh in an zui tel ve bawk. Rims te chuan Vaccine Dose khat a lak atanga reilo ah luak in a bei tan tih an sawi. Ruang hi executive magistrate Shashi Nilima Dundung kaihhruaina hnuai ah post-mortem a ni a, a ruang hi a chhungte hnenah hlan turin an ti.