Mizo Elite News hi ṭha i tihzawng a nih chuan min lo Follow dawn nia

Mipa In A Bialnu Chunga A Thil Tih Hi A Rapthlak Khawp Mai

Inngaizawng inkarah chuan inhmuhthiam loh chang te pawh a thleng tur a ni. Engtik lai pawh in a hlim reng theih bik lo. He pa erawh in a bialnu chunga a thil tih hi chu hmangaihna pawh a ni tawh lo suahsualna a ni tawh zawk.

September 13 khan Thailand a Khuan Khanun district’s Na Khayat area ah vawk khungna bawm ang ah hmeichhe pakhat ruang chhar a ni a, a ruang aṭang ringawt pawh hian nasa taka sawisak leh khawih a ni tih a hriat theih bawk.

A lu leh chal bawr ah te chuan nasa taka hlap/vuak sawp a ni. A mit pawh a chhe hle. Ruang hi a hnu ah tunge tih hriat a ni a hmeichhe pakhat Kochakorn Thongdeepheng, 23 tia koh a ni.

Ruang hi fanghmir te pawh in an lo bawm hman tawh. A landan aṭang chuan darkar 9 liam ta a thah a nih thu an sawi.

Investigation an neih chuan he hmeichhia Kochakorn Thongdeepheng rawng taka that tu hi a bialpa kum 20 a upa Natthapol Dumsin alo ni.

Tualchhung mite sawi dan chuan Kochakorn hi Inrinni tlai lamah a bialpa te chenna ah an hmu. Hemi ṭum hian intibuai in an lo inhau a mahsela an lo ngaihven hran lem lo. A chhan chu an pahnih hian an lo inhauh fo ṭhin vang a ni.

A tirah Natthapol hian tualthattu a an puhna ah hian a pha a, mahsela hun eng emaw chen thu an zawhfiah hnu ah a bialnu nunna a lak thu hi a inpuang. A bialnu hian amah ṭhena kalsan a tum vangin a thinrim chuan a that a, a ruang chu bawm (cage) ah chuan a khung thu a sawi.

Nationtv