Mizo Elite News hi ṭha i tihzawng a nih chuan min lo Follow dawn nia

Mipa damlai zinga Sexy ber Paul Rudd

Khawthlang rama chanchinbu lar tak People Magazine chuan kum in 2021 chhunga mipa Sexy ber a thlangchhuak leh a, kum in mipa sexy ber ‘Sexiest Man Alive’ atan hian kum 52 upa Marvel Actor lar Paul Rudd chu thlan a ni.

Paul Rudd title thar hi Thawhlehni khan The Late Show kaltlang a puanchhuah a ni a, Paul Rudd ngei pawh in People Magazine ten mipa damlai zinga Sexy bera a thlang hi rin harsa pawh a ti ve hle.

People lam in Sexiest Man Alive 2021 thlan a nih dawn thu an puan khan Actor tam tak hming a ri a, chung zingah chuan ‘Captain America’ Actor Chris Evans chu buk rit pawl niin a hming a ri ring hle. New York Post phei chuan Chris Evan hi mipa sexy ber a thlan a nih an beisei thu an chhuah hial.

People Magazine hian kum 1985 atang daih tawh mipa Sexy ber thlanna hi a kalpui tan a, Mel Gibson chu Sexiest Man Alive atan thlan hmasak ber a ni. 1985 atang hian kumtin thlan ziah a ni a, ngaihhlut a hlawh chho zel bawk. He title kawl tur hi People lam hian an chanchinbu chhiar thin te Vote atang in tehna an kalpui.

Marvel Studios ANT-MAN AND THE WASP..Ant-Man/Scott Lang (Paul Rudd)..Photo: Film Frame..©Marvel Studios 2018

Paul Rudd hi American Actor zingah che tha pawl tak a ni a, kum 1991 atang in Acting ah bul a tan. 1992 khan television drama Sisters ah changin hei hi Acting lama a debut na a ni zui nghal. Film hrang hrang ah Role in ang lo tak tak a chang nual a, a hming chherna ber leh mi nawlpui hriatna erawh kum 2015 a Marvel superhero film ‘Ant-Man’ a chan atang khan a tih thei ang. Ant-Man vang hian Paul Rudd Career pawh sang takah a invawrh a ni.

2014 atanga 2020 thleng Sexiest Man Alive atan an thlan tawh te:-

2020: Michael B. Jordan

2019: John Legend

2018: Idris Elba

2017: Blake Shelton

2016: Dwayne “The Rock” Johnson

2015: David Beckham

2014: Chris Hemsworth