Mizo Elite News hi ṭha i tihzawng a nih chuan min lo Follow dawn nia

Mipa A Ngaih Rûk Nen A Pasal Chu Tihlum In A Ruang Chu Chemical Hmangin An Tichhia

Hmeichhe thenkhat te hi chu rinphak bakin an lo nasa hle mai. Bihar a pasal pawm lai nei hmeichhia chuan a mipa ngaih rûk nen tangdun in an in hmangaihna kawng dal tu a pasal chu rawng takin an tihlum tih hriat a ni.

He thil thlenna hi Sikandarpur Nagar Police station area, Muzaffarpur ah a ni a, Radha chuan a pasal kum 30 mi Rakesh nen an innei reng chungin mipa dang Subhash chu a kawp tlat.

A mipa ngaih rûk nen hun tam tak hman a duh zawk vangin a pasal hi Hindu festival Teej laiin a ko haw a an tihlum ta a ni, a ruang chu finfiah theih a nih loh nan hmun hrang hrang ah thetsawm in chemicals hmangin an lo leih.

Mahsela Chemical thawm atang an thilsual tih ah hian Police ten thu an dawng. Radha leh Subhash te bakah hian Radha unaunu Krishna leh a pasal te pawh an lo inhnamhnawih ve bawk a ni. Ruang an chap darh hnu ah chuan an in luah chhungah hian Chemical hmangin tihchhiat an tum.

Police ten an thudawn an bawhzui hnu ah ruang them ho an va hmu. post-mortem turin an thawn a forensic team ten he tualthahna rapthlak thlengah hian chhuihna an thawk nghal. Investigation an neih atang ruang chu Rakesh ngei a ni tih an hre tawh bawk.

Rakesh unaupa Dinesh Sahni chuan Police ah FIR a thehlut. An hnaiha awm ve midang te pawh in Subhash leh Radha inzawmna hi an hriat thu a sawi nghe nghe. Sikanderpur Police station in-charge Harendra Tiwari chuan he tualthahna hi Case register a ni a, pawikhawihtu te chungah hian hremna pek a ni ang tih a sawi.