Mizo Elite News hi ṭha i tihzawng a nih chuan min lo Follow dawn nia

Minister Meuh Tih Atan Chuan A Nuihzatthlak Letling Zawk

Politics lama zuanglut a nihna pawimawh nei chin tawh hi chu mi veng va leh invawng tak ni turah hian ngaih a ni tlangpui a, vantlang chunga leng an nih vangin zah pawh an zahawm khup thin.

Minister thenkhat te erawh kan lo ngaih an ngawt hi an ni bik lo. Pakistan a Minister pakhat chetdan mak tak chuan Internet ah huhang a nei lian khawp mai.

Ningani khan Prisons Minister leh Government of Punjab a spokesperson Fayyaz-ul-Hassan Chohan chu Rawalpindi constituency a Electronic dawr pakhat hawng tura sawm a ni. Fayyaz-ul-Hassan Chohan hian sawmna ngai pawimawh in dawr hawnna ah hian a kal.

A dawr hawn tur ribbon chu a bakcheh ken chuan an chep a, mahsela bakcheh hi a lo hriam vak lo ni tur a ni, ribbon chu a chep chat thei ta reng reng lo. A cheh chah theih loh hnu a beidawn tawp ah chuan bakcheh hmang lovin a ha hmang chuan ribbon chu a seh chhum ta ringawt mai a ni.

Dawr hawnna a awm ve midang te chu Minister zahawm tak ribbon seh chah dangdai tak avang hian an nui dar dar. Amah Fayyaz-ul-Hassan Chohan hian ribbon a seh lai video hi a post a, a insawifiah nghal bawk.