Mizo Elite News hi ṭha i tihzawng a nih chuan min lo Follow dawn nia

Miley Hi Tunah Chuan Mi Thianghlim A Ni Tawh Tiin A Nu Tish Cyrus Chuan A Fanu A Rawn Fak

Ṭhalai te zinga tla na tak ni chungin a khawsak dan ṭhin avangin en tleu a hlawh fo ṭhin. Miley Cyrus (kum 27) hi kan hmuh leh hriat angin mize hrang hrang nei kawp a ni a, a chang in hmeichhe bawn leh zilhhauna dawng ngai reng reng lo in a lang thei a. A chang lahin hmeichhe fel leh pangngai tak a ni thei thung.

A engpawh chu nise a nunhlui ah chuan a khawsak dan ah fak tlak tia sawi tur pawh a awm lo mai thei. Mahsela tun hun ah erawh chuan Miley Cyrus hi a hma a nun dan ṭhin te nen khaikhin chuan a nun a pangngai leh tawh hle. Zu leh ruihhlo in a chenchilh loh nun chu a tem ve mek a ni.

Miley Cyrus nu Tish Cyrus chuan a fanu Miley chu a rawn fak viau a. Mi thianghlim a ni tiin a chungchang a sawi. Miten nun bawraw leh thunun loh lutuk anga an ngai tlat chu a dik tawk lo a, Miley hian marijuana thlah in zu pawh a in ngai tawh lo a, a nun chu thlak danglam a ni tawh a ti.

Kum 2019 hma lam te kha chuan nun pawlawh tak leh mitam tak ten a nundan herh tak an sawi zui ṭhin a ni a. 2013 a Amsterdam a MTV EMA performance a neih tum pawh khan nasa takin boruak alo siam tawh a, stage ah a lo blow ham ham a nih kha.

Hetia mi ṭhenkhat ten hmeichhe bawnra tia an en sir tlatna karah hian a nun chu kuai her in a rawn insiam ṭha thei. Nikum November 2019 khan vocal cord surgery a nei a, hemi hnu hian a nun chu thlak danglam in a awm a. Zu leh ruihhlo lakah inthiarfihlim in hmalam panin nun kawng a zawh chho ta a ni.