Mizo Elite News hi ṭha i tihzawng a nih chuan min lo Follow dawn nia

Miley Cyrus leh a bialpa Cody Simpson te an inṭhen

Tluang tak leh ṭha te te a hmangaihna hruikhat vuan a hun an hmang dun mek emaw tih laiin ṭhenna biahthu an inhlan ve leh ta.

Miley Cyrus leh a bialpa zaithiam tho Cody Simpson te chu kum 1 dawn uluk leh hmangaih taka an inzui hnu ah an inṭhen thu puan a ni.

Celebrity site lian tak tak People Magazine leh TMZ te chuan Miley leh Cody te inthlah thu hi an chhuah tawh a, Miley ngei pawh in Ningani a Instagram live video kaltlangin a rawn sawi chiang thawkhat viau. Engvanga inṭhen nge an nih tih erawh a chhan sawichian dawt theih a nilo.

Miley hian a Single thar premiere na a neih hma lawk in Cody Simpson nen a an inṭhen thu hi a thang.

Miley hi hmangaihna kawng ah a tluang lem lo hle. Tuna a bialpa ṭhen tak Cody Simpson nen hian October 2019 aṭang sawi an kai ṭan a Los Angeles ah duh taka an in fawp lai hmuh dun an ni.

Hun rei tak aṭanga alo kawp tawh Liam Hemsworth nen 2018 khan an innei a, an inneih hnu August 2019 khan inṭhen in a hmeichhiatpui Kaitlynn Carter nen ṭhian aia thuk zawk a inzawmna nei angin an langchhuak zui leh nghal. Miley hi a nu leh a pa kawp thei ve ve a ni.

Kaitlynn Carter nena an thawm a daih hnu lawk ah Cody Simpson nen hian inngeih takin an inkawp chho a, an thlalak te pawh hmuh tur a tam hle kha.

Fox News