Mizo Elite News hi ṭha i tihzawng a nih chuan min lo Follow dawn nia

Miley Cyrus Chuan A Thianghlimna A Hlohna Mipa Hming A Sawichhuak

Hmangaihna hi chu a changin a han alh deuh hluai a, a chang leh a mit leh mai ṭhin. Pop Star, Miley Cyrus pawh chu hmangaihna kawng chhuk chho leh rual rem lo tak ah chuan kawng a zawh ve a ni.

“Midnight Sky” singer kum 27 a upa Miley Cyrus chu Barstool Sports podcast Call Her Daddy ah a inlan a. Interview thar ber a neihna ah hian a mimal nun tak tak thil te inphawrh chhuak in a thianghlimna a hloh na mipa thleng in a hming a sawi.

Miley hian a thianghlimna (virginity) a hlohna mipa chu tudang nilovin hun rei tak alo kawp leh a pasal hlui ni zui ta hial ‘The Hunger Games’ star, Liam Hemsworth a nih thu a puang.

Chiang fek fawk tak in Miley hian kum 16 a niha a thianghlimna a mipa hmangaih laka a hlan thu hi a sawi a. Liam chu mipat hmeichhiatna a hmanpui hmasak ber mipa a ni a ti. Hetih lai vel hi an film buaipuo chhoh vel a ni awm e.

Liam leh Miley te hi kum 2008 a ‘The Last Song’ film an chan dun aṭang inṭawng an ni a, an inkawp chhoh hnu ah an pahnih hian “ni leh nilo” angin an khawsa ve deuh reng.

Liam Hemsworth nen an inṭhen kar lakah Miley hian a nundan a inthlakdanglam nasa a, a thuamhnaw hak pawh a duh tam lo tial tial bawk.

Mahsela Liam nen an inkawp leh hnu ah a nun chhe vek tur chu hmangaihna bawk chuan a siam ṭha leh. Ṭha tak leh tluang taka an inzui leh hnu in 2018 khan an innei ta a ni.

Fans tam tak in Miley leh Liam te innei hi an lawmpui a, mahsela an nupa inkar erawh an inngaihzawn lai ang bawkin a insawh nghet hleithei chuang lo. Nupa an nih aṭanga thla 7 an nih meuh chuan inṭhenna dar khawng riin kian zai an inrelsan zui leh.

Miley hi a hmangaina zinkawng zawh a tluang bik lo a ni kan tih tawh kha. Tunhnai lawka a kawp Cody Simpson nen pawh thla 10 zen zawn an inzui hnu ah an inṭhen thu puan a ni leh tawh bawk.

Tunah chuan Miley hi sava thlawk lai a ni ve mek a ni.

Cosmopolitan